ဆက်သွယ်ရေး
အစည်းအဝေးကို ဦးဆောင်ခြင်း
ရည်ရွယ်ချက်
ဤသင်တန်းသည် အသင်းတော်ခေါင်းဆောင်မှုကဏ္ဍတွင် ထိရောက်သော ဆက်သွယ်ပြောဆိုမှု၏ အရေးကြီးပုံ ကို အဓိကဖော်ပြထားပြီး၊ ရလဒ်ကောင်းများထွက်ပေါ်စေမည့် အစည်းအဝေးများကို မည်သို့ဦးဆောင် ကျင်းပရမည်ဆိုသည့်အချက်အပေါ် အာရုံစိုက်ထားပါသည်။ ၎င်းတွင် အဆင့် (၃) ဆင့်ပါဝင်သော အစည်းအဝေးဖြစ်စဉ်တည်းဟူသော - ကြိုတင်ပြင်ဆင်ခြင်း (Setup)၊ အစည်းအဝေးပြုလုပ်ခြင်း (The Meeting Itself) နှင့် နောက်ဆက်တွဲအကောင်အထည်ဖော်ခြင်း (Follow-up) တို့ကို လမ်းညွှန်ပြသပေးထားသည်။ အဆင့်တစ်ခုချင်းစီသည် ရှင်းလင်းပြတ်သားမှု၊ တိကျသောရည်ရွယ်ချက်နှင့် လက်တွေ့လုပ်ဆောင်နိုင်မည့် ရလဒ်များထွက်ပေါ်လာစေရန်အတွက် မရှိမဖြစ်လိုအပ်ပါသည်။ ခေါင်းဆောင်များသည် စနစ်တကျ ရည်ရွယ်ချက်ရှိရှိ လုပ်ဆောင်ခြင်းနှင့် ထိရောက်သော ဆက်သွယ်ရေးဗျူဟာများအပေါ် အာရုံစိုက်ခြင်းအားဖြင့် အဖွဲ့တွင်း ပူးပေါင်းဆောင်ရွက်မှုစွမ်းရည်ကို မြှင့်တင်နိုင်ပြီး မိမိတို့၏ပန်းတိုင်များကို ပိုမိုမြန်ဆန်ထိရောက်စွာ အကောင်အထည်ဖော်နိုင်မည် ဖြစ်သည်။
အကျဉ်းချုပ်
- အစည်းအဝေးများ ကျင်းပရခြင်း၏ အရေးကြီးပုံ
- အစည်းအဝေးတစ်ခုကို ဦးဆောင်ခြင်း၏ အဆင့်သုံးဆင့်
- ကြိုတင်ပြင်ဆင်ခြင်း အဆင့်
- ဘာကြောင့် အစည်းအဝေးကို ကျင်းပတာလဲ
- အစည်းအဝေးမှာ ဘယ်သူတွေ ပါဝင်တက်ရောက်သင့်သလဲ
- ဘယ်အချိန်မှာ အစည်းအဝေးကို ကျင်းပသင့်လဲ
- ဘယ်နေရာမှာ အစည်းအဝေးကို ကျင်းပသင့်လဲ
- အစည်းအဝေးအတွက် ကြိုတင်ပြင်ဆင်တဲ့အနေနဲ့ ဘယ်လိုအလုပ်တွေကို လုပ်ဆောင်ထားရမလဲ
- အစည်းအဝေးပြုလုပ်ခြင်း အဆင့်
- အစပြုခြင်း - ရည်ရွယ်ချက်နှင့် လုပ်ငန်းစဉ်ကို ရှင်းလင်းပါ
- အဓိကအပိုင်း - သင့်တော်မည့် ဆက်သွယ်ရေးဗျူဟာတစ်ခုကို ရွေးချယ်ပါ —
- ညွှန်ကြားခြင်းဗျူဟာ (Command) - ခေါင်းဆောင်မှ တိုက်ရိုက် လမ်းညွှန် ညွှန်ကြားသည်။
- ပူးပေါင်းဆောင်ရွက်ခြင်းဗျူဟာ (Collaborate) - အစီအစဉ်တစ်ခု ရေးဆွဲရန် အတွက် အဖွဲ့တစ်ခုလုံး အတူတကွ ပူးပေါင်းလုပ်ဆောင်သည်။
- သဘောတူညီချက်ရယူခြင်းဗျူဟာ (Consensus) - ခေါင်းဆောင်မှ အကြံဉာဏ်ကို တင်ပြပြီး အဖွဲ့ထံမှ ဝေဖန်အကြံပြု ချက်များကို တောင်းခံသည်။
- နိဂုံးချုပ်ခြင်း
- နောက်ဆက်တွဲ အကောင်အထည်ဖော်ခြင်း အဆင့် (Follow-up):
- အစည်းအဝေး အနှစ်ချုပ်မှတ်တမ်းနှင့် လုပ်ဆောင်ရမည့် လုပ်ငန်းတာဝန် များကို ပေးပို့ပါ။
- တုံ့ပြန်ချက်များနှင့် ဝေဖန်အကြံပြုချက်များကို ဖိတ်ခေါ်ပါ။
- အစည်းအဝေးများတွင် ရည်ရွယ်ချက်ရှိရှိ စနစ်တကျလုပ်ဆောင်ခြင်းသည် သခင်ယေရှု၏ ခေါင်းဆောင်မှုပုံစံတော်ကို ထင်ဟပ်စေသည်။
ကိုးကားထားသောကျမ်းပိုဒ်များ
မာကု ၃:၁၃-၁၄
နောက်ထပ်လေ့လာရန် မေးခွန်းများ
၁။ အချိန်ကုန်ပြီး ဘာရလဒ်မှ မထွက်ဘူးလို့ ခံစားရတဲ့ လုပ်ရိုးလုပ်စဉ် အစည်းအဝေးတစ်ခုကို ဖော်ထုတ်ကြည့်ပါ။ အဲဒီအစည်းအဝေးရဲ့ (၁) ကြိုတင်ပြင်ဆင်ခြင်း အဆင့် (Setup)၊ (၂) အစည်းအဝေးပြုလုပ်ခြင်း အဆင့် (Meeting Itself) နဲ့ (၃) နောက်ဆက်တွဲ အကောင်အထည်ဖော်ခြင်း အဆင့် (Follow-up) တွေမှာ ဘယ်လိုမျိုး သီးခြားပြောင်းလဲမှုတွေကို လက်တွေ့လုပ်ဆောင်မလဲ။
၂။ ဆက်သွယ်ပြောဆိုမှုတွေ ရှုပ်ထွေးပြီး မရှင်းမလင်း ဖြစ်ခဲ့ရတဲ့ မကြာသေးခင်က အစည်းအဝေးတစ်ခုအကြောင်းကို စဉ်းစားကြည့်ပါ။ အဲဒီအစည်းအဝေးရဲ့ အဆင့်တစ်ခုချင်းစီ (ပြင်ဆင်ခြင်း၊ စည်းဝေးခြင်း၊ နောက်ဆက်တွဲဆောင်ရွက်ခြင်း) မှာ ပိုမိုရှင်းလင်းပြတ်သားပြီး အချင်းချင်း ပိုမိုနားလည်သဘောပေါက်စေဖို့ ဘယ်လိုလက်တွေ့ကျတဲ့ ခြေလှမ်းတွေကို လုပ်ဆောင်ခဲ့သင့်သလဲ။
၃။ သင့်ရဲ့ နောက်လာမယ့် အစည်းအဝေးမစတင်ခင်မှာ—အဲဒီအစည်းအဝေးကို ကျင်းပရခြင်းရဲ့ အဓိက ရည်ရွယ်ချက်က ဘာဖြစ်မလဲ။
ဆက်လက်လေ့လာရန်ကျမ်းများ
၁ ကောရိန္သု ၁၂:၄-၆
ဒေသနာ ၄:၉-၁၂
ယောဟန် ၁၃:၁၄-၁၅